മലപ്പുറം ജില്ലാ
പഞ്ചായത്തിനെക്കുറിച്ചുള്ള വിവരങ്ങള്‍, കീഴിലുള്ള സ്ഥാപനങ്ങള്‍, വിവിധ
പദ്ധതികള്‍ തുടങ്ങിയവയുടെ സമഗ്ര വിവരങ്ങളടങ്ങിയ വെബ് പോര്‍ട്ടല്‍ വ്യവസായ-ഐ.ടി.
വകുപ്പ് മന്ത്രി പി.കെ കുഞ്ഞാലിക്കുട്ടി ഉദ്ഘാടനം ചെയ്തു. ജില്ലാ
പഞ്ചായത്തിന് കീഴിലുള്ള സ്ഥാപനങ്ങള്‍ക്ക് പരസ്പരവും ജില്ലാ പഞ്ചായത്തുമായും
പൊതുജനങ്ങളുമായും ആശയ വിനിമയം നടത്താനുതകുന്ന രീതിയിലാണ് വെബ്പോര്‍ട്ടല്‍ രൂപകല്പന
ചെയ്തിരിക്കുത്.
ജില്ലയിലെ പ്രധാന വിനോദസഞ്ചാര കേന്ദ്രങ്ങളുടെ വിവരങ്ങളള്‍, ജില്ലാ
പഞ്ചായത്തിന് കീഴിലെ സ്കൂളുകള്‍, ഫോണ്‍ നമ്പറുകള്‍ , ഇ-മെയില്‍ വിലാസം, ജില്ലാ
പഞ്ചായത്ത് പദ്ധതികള്‍, സ്ഥിതി വിവരക്കണക്കുകള്‍, ജില്ലയുടെ ചരിത്രം
തുടങ്ങിയവ പോര്‍ട്ടലില്‍ ഉള്‍പ്പെടുത്തിയിട്ടുണ്ട്.സംസ്ഥാനത്ത് ഇത്തരത്തില്‍ ഒരു വെബ് പോര്‍ട്ടല്‍ ആരംഭിച്ച ആദ്യ തദ്ദേശസ്വയംഭരണ സ്ഥാപനമായി മലപ്പുറം ജില്ലാ പഞ്ചായത്ത് മാറി. വിലാസം http://www.malappuramdistrictpanchayath.kerala.gov.in
No comments:
Post a Comment